تفسير تراك 3015 للجوكر حصريا

تفسير تراك 3015 للجوكر حصرياً

تفسير تراك 3015 للجوكر

،،ــ،،ــ،،ــ،،ــ،،ــ،،ــ،،ــ،،ــ،،ــ،،ــ،|التفسير|،ــ،،ــ،،ــ،،ــ،،ــ،،ــ،،ــ،،،،ــ،،ــ،،ــ،،

للأمانه منقول :] و مش التفسير الرسمي دا تفسير أحد الجوكريانز مش اكتر
يعني محدش يعتمد علي التفسير دا خالص 

-------------------------------------------------------------------------

 مش إنتي نفس الواحدة مع إنها نفس القصيدة

بتعقد فبتتعقد كل جُملة كانت بسيطة

بس أنا الحمد لله , مُتأقلم إلى حدٍ ما

ظهوري الأول الحقيقي بعد تمام تسع أجيال

"نفس عيوني وعيونك اللي اتغيروا اشكالنا"

بيقول للكتابة احنا اشكالنا اتغيرت بس نفس السيناريو الل توقعته حصل

الاحداث اللي بتحصل المعقدة اثرت علي كل جملة بسيطة وعقدتها

بس انا متأقلم معاها عشان الناس هتفهم كلامي بعد تسع اجيال "3015"

..

أنا آسف إتأخرت عليكي في الرسالة الأولي

الأفكار مكانتش راضيه تتكتب جُمل موزونة

بيقول للكتابة انا اسف اتاخرت عليكي في رسالتي الاولي ليكي في "3015"

كنت بكتب الكلام اللي يعيش مع الزمن " يعني اتقلي تاخدي حاجة نضيفة "

..

الأرض بدأت تخلص فالناس إتسعرت إجمالاً

الكوكب أصبح ضلمة و بدأ يسكت آله آله

"كان زمان العصر الحجري اذكي لولا عصر الآله"

في 3015 الارض بدأت تدمر والموارد تخلص ومعظم الناس اتسعرت وكل الآلات الموجودة اختفت

لأننا فكرنا في الحياة مش اللي خلفها ومبقتش الحياة ليها معني ولا ليها كمالة فانتهي عصر الآلة ورجعنا تاني للعصر الحجري

..

كل ما زاد الوضع سوء سطوري بتغلي في عينهم

لو كل قريش سادة مكانش الدين إنتشر بينهم

كل ما الوضع بيزداد سوء والكلام اللي قاله بيحصل بيفهموا انه كان صح

عشان لو كان كل الناس بتجري ورا الفن الهابط واي كلام مكانتش افكار الجوكر انتشرت ودا عشان فيه ناس نضيفة

..

كل شئ نسبي لكن إجتمعت الإختلافات

علي كون الإختفاء لكبر علو قرب مش إختفاء

كل حاجة بتحصل انت مش بتحس بيها عشان نسبية وصغيرة جدا بس تراكم الاختلافات "الفساد وعدم الرضا" دا سبب دمار الأرض

وانت محستش بدا عشان الفساد كتير بس هو مختفاش

زي مثلا لو قربت ايدك لعينك مش هتشوف ايدك بس هي موجودة ودا عشان قربها لعينك

..

دايما شبه بعض بس العيب في عينك إنت

دي ليها كذا معني بس الفكرة ان مثلا فيه اتنين شايفين وردة دا شايفها حلوة والتاني شايفها وحشة مع انها نفس الحاجة بس الاختلاف في عينه او حالته النفسية يعني

...

أي جُملة في التراك تتقال في أي حتة

"لاضيف معلقتي الوحيدة إلي كعبة الأحبار"

هنا في شبه بين المعلقات والتراك ده ومنها ان في المعلقة او الشعر الجاهلي عدم اتصال بين الآبيات ونفس الحكاية هنا مفيش اتصال بين البار واللي بعده

..

إنتي شعري و بيتي مكانك بين الورقه و بيني

مفيش حاجه مبتعرفش تبقي شبهك انتي في عيني

"الورقة رافضة اعيشلك وابقي ازورها كل فترة"

هنا الجوكر بيقول للحاجة اللي بيحبها

- مش عارف هي ايه والله -

انها واقفة بينه وبين الكتابة

ومفيش حاجة زي اللي بيحبها بس الورقة رافضة انه يعيشلها

..

دايماً ربطانا حاجة حتي لو ملهاش مُسمي

بكتبلك إنتي بمعني مُختلف عن معني العامة

دايماً فيه حاجة ربطاه بيها ومش عارف هي ايه وبيكتبلها بمعني مختلف

..

من غير ما أقابل خِضر فيا موسي بعد سفره

يونس في بطن الحوت مش في التخلي عن اللي كفروا

"رغم كونهم وصلوا مجمع البحرين مشيوا ابعد"

"قادرة تغرق كوكب واللي زيي ينجي في بطن حوت"

هنا بيقول انه من غير ما يقابل حد يساعده هيوصل لوحده "لوحدي هوصل اسرع"

وهيمشي ابعد كمان

وانه بيتجنب اللي ضدده مش بيتخلي عنهم

..

هتفهم من كتر السنين اللي فاتت وانت مش بتحاول تفهم

عشان الوقت اتأخر جداً والارض بتخَلص ومفيش وقت تقول اني كنت صح وانت غلط

لو كنا عيشنا في نفس الزمن كنت هتفهم

والمضحك ان كل السيناريو اللي قولته حصل وانت مصدقتنيش

..

خليكي في نفس السنة لحد ما أجي متكبريش .. وعد

سيبي الأرض تلف نوعين اللف و ما تلفيش

الإختلاف هنا كالعادة قتل الرضا ، مفيش سعادة

تجربة ألف سنة بدون تراب عالجت نعامة

هنا الجوكر بيكلم الكتابة بيقولها خليكي في السنة دي -3015- ومتكبريش

سيبي الأرض تلف نوعين اللف - حوالين نفسها وحوالين الشمس - ومتلفيش معاها عشان اكبر واقابلك

الاختلاف اللي حصل وسبب دمار الكوكب ان مفيش رضا ومفيش سعادة

تجربة الالف سنة دول - 2015 لـ 3015 - عرفتكم اني صح بس بعد فوات الأوان

..

اللوحة دي لحبيبتي طفلة بتغرق بين الموج

الطفلة تبقي حبيبتي و هي طفلة و أنا الطوق

الفكرة دي للكتابة طفلة بتغرق بين الفن الهابط

الضحية دي هي الكتابة وهو بيحاول ينقذها

" اخر شجرة في صحراء الفن وماسك فيها لأخر جدر "

..

مضربش المثل ليه بوساخة اليهود في سطوري

روح هات كلام إلهي عنهم و أقعد فهمهولي

" اسف كنت ناسي انه لو عجل فهما مش يهود"

هنا بيشبه الناس اللي مش بيفهموا ويروحوا للفن الهابط 

باليهود وهما بيعبدوا العجل

فمضربش ليه المثل بوساخة اليهود وربنا قال عليهم كده 

..

و أنت فعلا أنا طريقك بس الكُفر طريقتك

مش أنا إبن الإله مع إني بكفر عن خطيئتك

انا طريقك الصح بس انت بتختار الفن الهابط

انا مش ابن الاله بس بحاول اهديك للطريق الصح

..

في موناليزا متدفنش إلا أما عينيها تغمض

تحدي الساعة البيولوجية كان في صالحى مرة

الأفكار مش بتموت بموت صاحبها زي الموناليزا لسه موجودة ومشهورة مع ان الرسام مات من زمان

ونفس الحكاية الجوكر تحدي الزمن و كان في صالحه ورجع للكتابة في الزمن ده -الفترة اللي عايشين فيها دلوقتي -

-وكتبت قبل كده بس احتمال سطوري كانت اضعف-

..

مواردنا بتخلص , متوسط أعمارنا بينقص

النظام بيأخر البشر اللي بدأت ترخص

بس و لا أحنا أول بشر و لا عايشين في آخر عالم

مفيش يوم كبرته مش مبعوتلك في الرسالة

عشان حاربنا العقول الموارد بتاعت الكوكب بتخلص والارض بتموت

والناس بدأت ترخص بس مش احنا اول بشر ولا عايشين في اخر عالم "عالم تالت"

وانا اتأخرت عليكي في الرسالة عشان كل حاجة عيشتها كتبتها

https://www.facebook.com/ElJokerMusicS